नवनिर्वाचित सांसद नवराज सिलवालविरुद्ध कीर्ते जाहेरी दर्ता

काठमाडौं–  पूर्व डिअाइजी तथा  नवनिर्वाचित प्रतिनिधिसभा क्षेत्र नम्बर १ का सांसद नवराज सिलवालविरुद्ध  कीर्ते जाहेरी दर्ता भएको छ ।

उनीविरुद्ध सरकारको तर्फबाट आज महानगरीय प्रहरी परिसर काठमाडौंमा कीर्ते जाहेरी दर्ता भएको  परिसरका प्रमुख एसएसपी रवीन्द्र धाकुनले जानकारी दिए ।

उनीमाथि आइजीपी नियुक्तिको विवादका क्रममा  कार्यसम्पादन मूल्यांकन फाइल कीर्ते गरेको अभियोग छ ।   सरकारले जयबहादुर चन्दलाई आईजीपी नियुक्त गर्दा आफू सिनियर भएको दाबी सहित उनी सर्वोच्च पुगेका थिए । तर, उनले रिट निवेदनमा  संलग्न गरेको कार्यसम्पादन मूल्यांकन कीर्ते भएको ठहर भएको थियो ।

यही विवादमा सर्वोच्चले  तयार पारेको फैसलाको पूर्ण पाठमा  सिलवालले बढुवाका लागि प्रस्तुत गरेको कार्य सम्पादन मुल्याङ्कन गलत रहेको ठहर गर्दै कारवाही गर्न आदेश गरेको थियो ।

फैसलाको पूर्ण पाठबाट तत्कालिन प्रहरी नायव महानिरीक्षक नवराज सिलवालले सर्वोच्च अदालतमा बढुवाका सन्दर्भमा पेस गरेको कार्य सम्पादन मुल्याङ्कन फारममा अंक फरक पारेको विषयमा अनुसन्धान गरी त्यस्तो फरक कार्य सम्पादन मुल्याङ्कन र पेस गर्ने विरुद्ध कारवाही चलाउन नेपाल सरकारका नाममा आदेश दिइएको थियो ।

सर्वोच्च अदालतका प्रधानन्यायाधीश गोपाल पराजुलीसहित ७ जना न्यायाधीशको बृहत पूर्ण इजलासले उक्त फैसलाको पूर्णपाठमा तयार पारेको थियो ।

यसैगरी अदालतले अधिवक्ता कपिलदेव ढकालले नवराज सिलवालको बढुवाका लागि सार्वजनिक सरोकारको सिद्धान्तको विरुद्ध रिट दायर गरेको ठहर गर्दै उनलाई समेत कारवाही गर्न समेत नेपाल बार काउन्सिलमा लाई समेत लेखि पठाउन आदेश गरेको थियो ।

 

साभार: राताेपाटि बाट


 

Please follow and like us:

अथवा इमेल बाट कमेन्ट गर्न तलको अर्को बक्समा जानुहोला।

Leave a Reply

Your email address will not be published. Required fields are marked *

Enjoy this blog? Please spread the word :)